PDEA 6 Nagpaandam nga Magapangatubang sang Kasu ang Nagatago kay PDEA 6-identified Drug Group Leader Richard Prevendido
Iloilo City – Nagpa-andam si Philippine Drug Enforcement Agency 6 Assistant Regional Director Levi Ortiz sa mga nagatago kay identified drug group leader Richard Prevendido nga magapangatubang sang kaso.
Tatlo ka kaso ang magahulat sa sin-o man nga madakpan nga nagatago kay Prevendido suno kay Ortiz.
Ginpahayag ni Ortiz nga kaso nga obstruction of justice, harboring criminal kag drug protection ang mahimo nga ipasaka.
Sang lunes, wala na naabtan sang PDEA operatives si Prevendido sa balay sang mga Pedrajas sa Barangay Matangharon Dingle.
Ginpahayag nga tatlo tubtob apat ka adlaw nga nagtenir sa balay mga Pedrajas si Prevendido.
(Aljohn Torreta)