Pres. Rodrigo Duterte, Bad Mood sang Nag-atubang sa mga Mayor sang Visayas kag Mindanao — Alimodian Mayor Calay Alonsabe
Municipality of Alimodian – Bad mood si Presidente Rodrigo Duterte sa mga narco mayors ukon ginpahayag drug protectors sang nakigsapol siya sa mga mayors gikan sa Visayas kag Mindanao sang nagligad nga adlaw.
Ini ang pahayag ni Alimodian Mayor Calay Alonsabe, isa sa mga nagtambong sa nasambit nga pagsinapol, base sa iya obserbasyon.
Suno kay Alonsabe, nagpahanumdom kag ginhatagan bug-at ni Duterte nga seryoso siya sa kampanya kontra illegal nga druga.
Dugang niya, naghatag sang instruction ang presidente sa mga chiefs of police nga tiruhon ang mga narco mayors nga ma-involve sa illegal nga druga bangud siya ang bahala sa ila.
Ginpahayag man ni Alonsabe nga nalawagan ni Duterte si mayor Jed Patrick Mabilog nga pakaisa niya si Odicta.
Una na nga gin-ako ni Mabilog nga nalawagan siya ni Duterte sa pagsinapol apang ang importante suno sa iya amo ang maipakita nga padayon kag seryoso siya sa kampanya kontra illegal nga druga. Wala man sang kamatuoran suno kay Mabilog ang alegasyon ni Duterte.
(Aljohn TorretaI