Gang war, gintumod sang mga pulis nga motibo sa pagbuno sa menor-de-edad sa Lapaz

Iloilo City–Gang war ang ginatudlo motibo sa pagbuno sang menor-de-edad sa kapareho sini nga menor sa Villa Hermosa Subdivision, Brgy. Loboc, Lapaz sang damlag lang.

Suno kay PSI Rey Sumagaysay, hepe sang Lapaz Police Station, nagaguwa nga miembro sang grupo nga YCK ukon Young Crazy Kids ang suspek nga si alyas Rico 14-anyos sang Villa Hermosa Subdivision. Ginahibalo pa ni Sumagaysay kun ano ang grupo sang biktima nga si alyas Francis, 16-anyos sang Rizal Pala-Pala, City Proper.

Nagaguwa man suno kay Sumagaysay nga gin-ila paagi sa babaye ang biktima gani nagkadtu siya sa Villa Hermosa. Apang ginsundan siya sang suspek sang nagapauli na kag ginbuno sa likod.

Natalana pa kuntani nga padulungan sang taga-Women and Children’s Protection Desk sang Lapaz Police Station si alyas Rico agud hingyuon sa atubang sang iya ginikanan nga mag-untat na sa gamo.

Padayon nga ginabulong sa ospital si alyas Francis samtang yara sa custody sang WCPD-Lapaz si alyas Rico. (AGB)