Hugot nga pagbantay kag inspection, ipatuman sang ICPO sa Dinagyang Festival

Iloilo City–Inspeksyunon sang mga pulis ang sin-o man nga may mga bitbit sa mga controlled areas lakip ang mga judging areas kag iban pa nga mga lugar sa siyudad nga may aktibidad may kaangtanan sa Dinagyang Festival.

Suno kay Iloilo City Police Office Director PSSUPT Remus Zacharias Canieso, hingyuon nila sa mga may dala nga backpack nga buksan ang ila bag para sa visual inspection. Ini suno kay Canieso ang himuon samtang wala pa naga-epekto ang ordinansa nga nagadumili sang backpack, canned kag glass bottled drinks sa mga dalagku nga kahiwatan sa siyudad pareho sang Dinagyang.

Ginpahayag ni Canieso nga ini para sa kaluwasan sang tanan. (AGB)