Lokal

High value target drug personality Rolando Torpio alyas Apa, nakaguwa sa presuhan matapos nagpiyansa!

Iloilo–Temporaryo nga ginhilway sa Iloilo District Jail sa Barangay Nanga, Pototan si high value target drug personality Rolando Torpio alyas Apa.

Ginkonfirmar ni Jail Senior Inspector Abner Zamora, warden sang Iloilo District Jail, ang pagpiyansa ni Torpio sa kaso nga paglapas sang section 2 sang Republic Act 9165 ukon possession of prohibited drugs. Suno kay Zamora, nagalab-ut sa P40,000 ang piyansa ni Torpio.

Ginrelease siya sa custody sang IDP alas-5:35 sang hapon sang Enero 13. Oktubre 28 sang nagligad nga tuig sang ginpakanselar ni Torpio ang iya piyansa sa pareho nga kaso bangud sa pamahug sa seguridad. (AGB)

Leave a Reply