Entrance fee sa Jaro Agro-Industrial and Charity Fair angut sa Jaro Fiesta, libre na para sa publiko

Iloilo City — Wala sang entrance fee sa Jaro plaza para sa Jaro Agro-Industrial and Charity Fair.

Ini ang nahisugtan sang city council sa ila 2nd regular session kaina sang aga.

Ginpangunahan ni Councilor Joshua Alim ang desisyon sang city council nga indi dapat magkolekta sang entrance fee ang Jaro ABC president agud hilway nga makasulod ang mga tawo sa public plaza.

Nahisugtan man nga dumilian ang pagpanigarilyo, pagsugal kag pag-inom sang makahulubog nga ilimnon kag dapat nga yara lang sa sulod sang plaza ang mga negosyo. (JoMaque)