Tatlo ka adlaw nga Gun Ban, ipatuman para sa Dinagyang Festival 2017

Iloilo City — Dumilian ang pagdala sang pusil sa pagselebrar sang Dinagyang Festival 2017.

Ini ang pahayag ni Iloilo City POlice Office (ICPO) spokesperson Senior Inspector Shella Mae Sangrines bangud sa implementasyon sang gun ban sa suspension sang permit to carry firearms outside of residence (PTCFOR.

Gin-athag si Sangrines nga wala sang exemptions sa gun ban bangud arestuhon ang pulis kag anuman nga law enforcement agencies nga wala duty kag wala sang official business.

Enero 13, nabaton sang ICPO ang memorandum halin sa opisina sang PNP Chief angut sa gun ban nga ginhingyo sang syudad para sa malinong kag matawhay nga Dinagyang Festival. Tatlo ka adlaw nga ipatuman ang gun ban nga magasugod sa Enero 20 tubtub Enero 22. (JoMaque)