Punong Barangay sang Agcuyawan Calsada Btac. Nuevo, dakup sa drug bust operation sang PDEA 6

Barotac Nuevo, Iloilo — Nadakpan sa drug bust operation sang Philippine Drug Enforcement Agency ukon PDEA 6 ang punong barangay sang Agcuyawan Calsada Barotac Nuevo nga ginakabig high value target level 1 drug personality sang ahensya.

Ginkilala ang arestado kay Punong Barangay Lester Bawe nga nakuhaan sang 2 ka daku nga sachets kag 2 ka medium-sized sachets sang suspected shabu kag 45 caliber pistol.  Wala pa sang papeles nga napakita ang kapitan sa pusil pero may letter order.

Suno kay Chief Inspector Raymond Celoso, hepe sang Barotac Nuevo Police Station, si Bawe ang yara sa priority target list sang IPPO pero wala nalakip sa municipal watchlist.

Ginpahayag nga aktibo man si Bawe sa anti-drugs campaign sa iya barangay.

Todo panghiwala naman si Kapitan Bawe sa akusasyon sa iya.

Nagapati si Bawe nga naulamid lang siya bangud sa iya utod nga si Levi Bawe nga wanted sa kaso nga murder kag paglapas sa Comprehensive Dangerous Drugs of 2002. (JoMaque)