Lokal

Miss Iloilo Dinagyang 2017 winners

Iloilo City–Ginkoronahan bilang Miss Iloilo Dinagyang 2017 ang 21-anyos nga si Jekkah Prudente, medical laboratory scientist graduate sang University of San Agustin sa coronation night kagab-i.

Nakuha man ni Prudente ang Best in Interview kag Best in Fantasy Make-up awards kag napauli ang isa ka corporate award.

Nakuha naman ni Merry Grace Tubelleja, 20-anyos kag Bachelor of Science in Tourism student sang Central Philippine University, ang Miss Iloilo Dinagyang 2017 Iloilo City. Nadaugan man ni Tubelleja ang Best in Swimwear, Best in Production kag Best in Long Gown awards kag pito ka corporate awards.

Ginkilala nga Miss Iloilo Dinagyang Foundation Incorporated 2017 si Renee Ellise Abaygar, 22-anyos kag graduate sang University of San Agustin. Nakuha ni Abaygar ang Best in Festival Attire award.

Ginkoronahan nga First Runner-up si Jerah Leen Mai Gallinero, 5th year dentistry student sang Iloilo Doctor’s College, kag Second Runner-up si Venice Vee Himan-Dureza Encajonado nga registered nurse. (AGB)

Leave a Reply