(UPDATE) ICPO, nagpa-athag sang rason kon ngaa indi na kinahanglan ang signal jammer sa Dinagyang Festival
Read Time:45 Second
Iloilo City–Indi na kinahanglan ang signal jammer sa pagsaulog sang Dinagyang Festival sa Enero 21 kag 22.
Paathag ni PSI Shella Mae Sangrines, spokesperson sang Iloilo City Police Office ukon ICPO, wala sang na-monitor nga anuman nga pamahog ang kapulisan nga posible makapapaguba sa selebrasyon sang festival. Magluwas sini, wala man sang gadget ang ICPO nga makapa-jam sa signal sang communication lines.
Indi man basta-basta suno kay Sangrines nga magamit sang signal jammer kun wala sang clearance halin sa National Telecommunications Commission ukon NTC. Magluwas sa gintumod nga mga rason, madamo nga transaksyon ang maapektuhan kon magamit sang signal jammer suno pa kay Sangrines.
Bisan wala sang na-monitor nga mga pamahog sa seguridad, ginpasiguro ni Sangrines nga hugot nga pagbantay ang himuon sang mga personnel sang ICPO kag iban pa nga otoridad agud mapabilin nga malinong kag matawhay ang selebrasyon sang Dinagyang Festival. (AGB)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
‘No Booster, No Entry’, ginapatuman na sa Iloilo City Hall sugod subong nga adlaw, Enero 17
ILOILO CITY -- Ginapatuman na sa Iloilo City Hall sugod subong nga adlaw, Enero17, ang ‘No Booster, No Entry’. Suno...
24-anyos nga babaye nga nagtuyo magpauli sa Capiz sang nahibaluan nga nagpositibo siya sa COVID-19, nadakpan sang Iloilo City COVID Team
ILOILO CITY -- Napunggan sang City COVID Team ang 24-anyos nga babaye nga nagtuyo magpauli sa Roxas City, Capiz sang...
Mga tul-an sang tawo, nakutkutan sa Barotac Nuevo
ILOILO -- Nakutkutan ang mga tul-an sang tawo sa Barangay Bungca, Barotac Nuevo. Suno kay Police Major Rowena Hubero, hepe...
Bangkay sang mangingisda, nasapwan nga naga-utaw utaw sa baybayon sang Estancia
ILOILO – Nasapwan ang bangkay sang mangingisda nga naga-utaw-utaw sa kadagatan nga sakop sang Feeder Port Poblacion Zone 2, Estancia...
‘No COVID-19 Vaccination, No Entry’ policy sang CAAP, ginapatuman na sa Iloilo International Airport suno sa Airport Terminal Manager
ILOILO – Nagapanghugot lang ang Civil Aviation Authority of the Philippines (CAAP) bangud sa nagadamo nga kaso sang COVID-19 rason...
Virtual Opening Salvo sang Dinagyang 2022, nangin maduagon
ILOILO CITY – Ginbantayan sang mga Ilonggos ang Virtual Opening Salvo sang Dinagyang Digital 2022 kahapon, Enero 14, 2022. Nadayon...
Average Rating