31-anyos nga lalaki, patay matapos gintiro sang iya ugangan nga babaye sa San Enrique!
San Enrique, Iloilo–Patay ang 31-anyos nga si Wilmen Sillarico sang Barangay Dumilis matapos nga gintiro kagab-i.
May pilas sa dughan si Sillarico nga gindala pa sa ospital sa Passi City apang wala gid natabangan. Gintudlo nga nagtiro sa biktima ang iya ugangan nga babaye nga si Nida Jimenez, 55-anyos, gamit ang homemade 12-gauge shotgun.
Nagaguwa sa imbestigasyon ni SPO1 Abelardo Palma Jr sang San Enrique Police Station, madugay na nga may hiligut-anon ang biktima kag suspek. Nagsurrender sa mga pulis si Jimenez. (AGB)