Imahe sang Sto Niño, nakabalik na sa San Jose Parish Church
Iloilo City – Nakabalik na sa simbahan sang San Jose sa Plaza Libertad ang imahe ni Senior Santo Niño.
Ini ang kasunod sang Fluvial Procession halin sa Fort San Pedro padulong sa Aduana sa likod sang Customs house.
Sakay ang imahe sang Santo Niño sa patrol craft sang coastguard nga gin-updan sang 30 ka mga motorbanca nga ginsakyan sang mga deboto.
Nagpamosina ang mga barko nga naga dungka sa Arrestre, Muelle Loney kag Lapuz Port sa ti-on sang Fluvial Procession.
Ginpasiguro naman ni Lieutenant Commander Ramil Palabrica sang Coast Guard Iloilo Station nga wala sang may nagluntad nga insidente sa paghiwat sang aktibidad.
Ang Fluvial Procession kabahin sang Dinagyang Festival nga gina selebrar sa siudad sa malawig na nga tinu-ig.
Aljohn Torreta