Tickets sa Judging Area No.2 para sa Dinagyang Festival, wala ginabaligya suno kay Provincial Administrator Raul Banias
Iloilo City–Wala sang may gin-imbitar nga mga dignitaries ang Iloilo provincial government agud maglantaw sang Dinagyang Festival.
Suno kay Provincial Administrator Raul Banias, mga mayors kag provincial officials lang ang gin-imbitar sa kahiwatan.
Gin-athag naman ni Banias nga wala ginabaligya sang provincial government ang mga tickets sa judging area number 2 nga ginadumala sang probinsya. Malapit na lang nga matapos suno sa iya ang construction sang stage number 2 para sa duha ka adlaw nga highlights sang festival.
Preparado naman suno kay Banias ang nagkalain-lain nga komitiba lakip na ang medical and first-aid team. (AGB)