Duha ka adlaw nga highlight sang Dinagyang Festival, generally peaceful – ICPO

Iloilo City — Wala sang dalagku nga insidente nga narecord ang Iloilo City Police Office sa Dinagyang Festival 2017.

Suno kay ICPO Director Remus Zacharias Canieso, kalabanan sa natabu ang pagbaisay kag inaway sang mga naka-inom.

Bangud sini, ginakabig nga generally peaceful ang duha ka adlaw nga highlight sang sabado kag domingo.

Nagapati si Canieso nga nakabulig man agud mapabilin ang kalinong kag katawhay ang pagshutdown sang signal sang telecommunications company nga Globe kag Smart.

Nagpalapta man sang madamo nga pulis sa bug-os nga syudad ilabe na sa mga matawo nga areas gani napunggan ang mga insidente.

Dugang sang ICPO Director, daku man ang papel sang media agud mapalapta ang panawagan sang mga otoridad nga likawan ang pagpanggamo. (JoMaque)