P500,000 reward agud madakpan si Richard Prevendido!

Iloilo City–Ginpa-inan sang padya sang city government ang 10 ka mga drug personalities sa syudad nga may warrants of arrest nga ginalakipan ni PDEA 6 iadentified drug group leader Richard Prevendido.

Pahayag ni Iloilo City Police Office Director PSSUPT Remus Canieso kasunod sang pag-aprobar ni Mayor Jed Patrick Mabilog sa rekomendasyon sang ICPO nga magpa-in sang P500,000 nga padya agud madakpan si Prevendido. Suno kay Canieso, mas mapadasig ang pagdakop sa mga drug personalities kun may ihatag nga reward.

Sa sinapol sang City Peace and Order Council ukon CPOC kahapon, ginpa-inan man sang P10,000 nga padya ang kada isa sa siyam pa ka mga drug personalities nga may warrants of arrest nga amo sanday Troy John Prevendido, Ariel Prevendido, Ana Prevendido-Penecilla, Romeo Penecilla, Rampart Gregori, Errol Barcebas, Jessica Mino, Ma. Beauty dela Cruz, kag Niven Dejeron.

May ginpa-imprinta na nga mga litrato ang ICPO lakip ang mga impormasyon kag ipalapta agud madasig nga madakpan ang mga wanted drug personalities. (AGB)