Lokal

PRO 6 Director Jose Gentiles, liwat nagpanawagan kay PDEA 6 identified drug group leader Richard Prevendido nga mag-surrender agud maglawig pa ang iya nga kabuhi

Iloilo City — Liwat nga nagpanawagan si Police Regional Office 6 Director Jose Gentiles kay PDEA 6 identified drug group leader Richard Prevendido nga mag-surrender na agud maglawig pa ang iya nga kabuhi.

Nagapati si Gentiles nga mapadasig ang pagdakup kay Prevendido bangud sang reward money nga gintigana sang city government, PRO 6 kag Iloilo Police Provincial Office.

Indi na dapat suno sa iya magpanago si Prevendido bangud madamu na ang nagapangita sa iya.

May impormasyon ang PRO 6 nga nagapanago sa isa ka banwa sa probinsya si Prevendido kaupod ang lima ka mga tawo.

Apang nagbalibad si Gentiles nga isugid ang lugar agud mapabilin ang tactical advantage sang kapulisan. (JoMaque)

Leave a Reply