UPDATE: Bangkay sang duha ka lalaki nga gintapok sa magkatuhay nga lugar sa syudad kag probinsya, na-autopsy na

Iloilo City–Patal nga pilas sa ulo ang gintunaan sang kamatayon sang duha ka lalaki nga nasapwan patay sa syudad kag probinsya sang nagligad nga semana.

Resulta ini sang pag-autopsy ni Dr. Owen Lebaquin, medico legal officer sang Police Regional Office 6, sa bangkay nanday Dante Laluma nga nasapwan sa Barangay Tinorian, Barotac Nuevo kag Rommel Cagbay nga ginwigit sa Barangay Banuyao, Lapaz.

Suno kay Lebaquin, indi magnubo sa walo ang pilas ni Laluma sa ulo kag guya nga compatible sa bala sang 45-caliber pistol. May na-recover pa nga slug sa ulo ni Laluma.

May lima naman ka pilas si Cagbay–tatlo sa ulo kag duha sa dughan. (AGB)