‘Salalampaw ang Kaso’
Iloilo City — Sampaw-sampaw nga kaso sa nagkalain-lain nga sala sa Iloilo Hall of Justice ang napasaka sa 9 ka mga drug personalities nga may patong nga tag-10 mil pesos.
Ini ang natukiban sang Aksyon Radyo Iloilo matapos gin-aprobahan sang City Peace and Order Council ukon CPOC kag Iloilo City Anti-Drug Abuse Council (ICADAC) ang reward money para sa sin-o man nga makatudlo sa mga drug personalities.
Ginrekomendar ni ICPO Director Remus Zacharias Canieso ang paghatag sang reward money bilang kabahin sang masangkad nga kampanya kontra sa illegal nga druga.
May kaangtanan sa illegal nga druga ang kaso sang 9 ka mga wanted drug personalities pareho sang possession of illegal drugs and drug paraphernalias; pagbaligya sang illegal drugs kag pagmentinar sang drug den. (JoMaque)