‘Wala na pondo para ibulig’

Iloilo City–Wala na sang kuhaan sang pondo para sa maintenance sang mga masakiton nga mga punong barangay.

Reaksyon ini ni Punong Barangay Renato Villegas sang Cubay, Jaro matapos wala ginpasugtan sang City Council ang ila hingyo nga pasugtan sila nga magpanukot sang entrance fee para sa Jaro Agro Industrial and Charity Fair. Gin-ako ni Villegas nga naglain ang ila buot pero ginarespeto nila ang desisyon sang konseho.

Ginpa-athag ni Villegas nga magluwas sa ginahatag nga pondo para sa mga nagamasakit nga barangay kapitan, ginakuha man nila sa kita sang Charity Fair ang bulig para sa mga persons with disabilities (PWDs), Red Cross, simbahan kag mga eskwelahan sa Jaro.

Gin-deny sang konseho ang ginfile nga motion ni Liga President kag Ex-Officio Councilor Reyland Hervias nga indi na lang pag-ilakip sa memorandum of agreement sang City government kag ABC-Jaro ang libre nga entrance fee sa plaza.

Dugang ni Kapitan Villegas, makabulig man kuntani sa ila asosasyon ang kuwarta halin sa ginasukot nga entrance fee sa plaza. (AGB)