Association of Disabled Person sa Jaro plaza, wala sang ideya nga may Ginhatag nga Bulig ang ABC Jaro Chapter
Iloilo City – Wala sang ideya ang presidente sang Association of Disabled Person in Iloilo sa sulod sang Jaro Plaza kon may ginhatag nga bulig sa ila ang Association of Barangay Captains-Jaro Chapter.
Suno kay Louie Pusa, wala siya nakahibalo kon may ginhatag gid man nga bulig ang ABC-Jaro. Ginpahayag ni Pusa nga ‘generic’ ang paghambal sang ABC nga nagahatag sila sang bulig halin sa kita sang entrance fee sa Jaro Agro-Industrial and Charity Fair.
Nagpasalig si Pusa nga mapabalo sa Aksyon Radyo kon may makita nga resibo sang bulig halin sa ABC-Jaro.
Una na ginpahayag ni Cubay Punong Barangay Renato Villegas nga wala na sila sang kuhaan sang ibulig bangud ginmandu sang city council ang paglibre sa entrance fee.
(Aljohn Torreta)