4 patay lakip ang Pulis sa Stabbing incident sa Calinog!

Calinog, Iloilo — Apat ang patay lakip ang pulis nga nagresponder sa inaway sa public plaza sang Calinog kagab-i.

Wala gid natabangan si SPO4 Nilo Campos, deputy chief of police sa Calinog Police Station, nga may patal nga pilas sa likod.

Napatay man ang mga sibilyan nga sanday Ronald Fernandez, 44 anyos; Nemia Ganancial kag Elmer Amorin nga lunsay mga residente sang Tabucan, Calinog kag nagtambag lang sa inaway.

Suno kay Senior Inspector Kenneth Bermejo, hepe sang Calinog Police Station, nadakpan ang duha sa siyam ka suspetsado nga sanday Ernie Ganancial sang Poblacion Delgado Calinog kag Cyril Hervas, 37 anyos sang Gama Grande, Calinog.

Hinubog suno kay Bermejo ang ginatulo nga ginhalinan sang inaway.  (JoMaque)