76-anyos nga asawa sa Sta. Barbara, patay matapos ginbuno sang iya 71-anyos nga bana nga na-impito sang iya pagkagahud
Sta. Barbara, Iloilo–Patay ang 76-anyos nga babaye nga ginbuno sang iya man lang 71-anyos nga bana.
Suno kay PCI Rogelio Ortigas, hepe sang Sta. Barbara Police Station, na-impito si Joseph Tolosa bangud sa magahud nga baba sang iya asawa nga si Thelma Tolosa gani iya ginbuno. Naigo sa dughan ang biktima nga ginhingagaw pa dala sa Western Visayas Sanitarium apang napatay.
Ginpabutyag sang suspek nga nangdulom ang iya nga panulukan gani nabuno ang asawa gamit ang bread knife. Nagsurrender man sa mga pulis ang suspek kag nag-ako sang iya ginhimo. (AGB)