Ginapatihan nga police scalawags sa syudad, ginamonitor na sang ICPO
Iloilo City — May gina-monitor nga mga police scalawags sa Iloilo City Police Office si ICPO Director Remus Zacharias Canieso.
Madugay na ini nga natalupangdan ni canieso sang nagrekomendar siya sang mga personnel nga iga-relieve sa ICPO kag ipaidalum sa cadet training.
Apang may yara pa suno sa iya nga nagatuhaw gani nagapreparar siya sang report agud double check sang counter intelligence unit.
Suno sa iya, kalab-anan sa mga gina-monitor ang Police Non-Commission Officers nga ginapatihan involved sa illegal nga druga.
Ginpahayag ni Canieso nga nag-low profile sadtu ang amu nga mga police gani wala masyado natalupangdan.
Bangud suno sa iya sang mga impormasyon halin sa mga concerned citizen, nagtuhaw naman ang ila pangalan.
Una dire, ginmandu ni Presidente Rodrigo Duterte ang pagdula sang tanan nga anti- drugs group, untaton ang anti-drug operations kag tutukan ang internal cleansing sang kapulisan. (JoMaque)