Mga miembro sang nagkalain-lain nga Anti-drugs group sang PNP halin sa regional level tubtub sa municipal level
Iloilo City — Ibalik nga tracker team ang mga miembro sang lain-lain nga anti-drugs group sang Philippine National Police halin sa regional level tubtob sa municipal level.
Suno kay Police Regional office 6 spokesperson Supt. Gilbert Gorero, ginbungkag ang mga anti-drugs group kag ang mga miembro magatutok sa mga personalidad nga may warrant of arrest.
Santu man ini sa mandu nanday Presidente Rodrigo Duterte kag PNP Chief Ronald Dela Rosa matapos nadalahig ang mga personnel sang anti-illegal drugs group sa pagkidnap kag pagpatay sa South Korean businessman sa Campo Crame.
Ang Philippine Drug Enforcement Agency na ang magapanguna sa war on drugs suno kay Gorero samtang magasuporta na lang ang mga pulis.
Tutukan naman sang PNP ang pagtinlo sa police force batuk sa mga scalawag.
Gin-athag naman ni Gorero nga puwede gihapon makapangdakup ang mga pulis sang drug personality ilabe na kon masaksihan gid ang illegal nga aktibidad. (JoMaque)