(UPDATE) Isa pa ka suspek sa pagpangbuno sa Calinog nga nagpatay sang apat ka tawo, gindakup!

Calinog, Iloilo–Nadakpan ang isa pa ka suspetsado sa stabbing incident nga nagpatay sang apat ka tawo sang Sabado sang gab-i.

Suno kay PSI Kennith Bermejo, hepe sang Calinog Police Station, gin-ako ni Helbert Ganancial nga siya ang nagpangbuno. Nadakpan si Helbert matapos ginserbihan sang warrant of arrest sa separado nga kaso sang attempted murder sang taga-Regional Intelligence Division.

Ginpahayag ni Bermijo nga gina-ako ni Helbert ang krimen pero may mga testigo sila nga nagahambal nga indi lang isa ang suspetsado sa insidente. Ginahulat na lang sang Calinog police ang resulta sang autopsy sa mga bangkay agud mabal-an kon pila ka hinganiban ang gingamit sa krimen.

Kaso nga parricide kag tatlo ka counts sang murder ang ipasaka batuk sa mga suspetsado. Magluwas kay Helbert, gintudlo man nga involved sa natabu ang iya utod nga si Ernie Ganancial upod kanday Cyril Cerbas, Van Castañaday, Joven Celeste, Renato Casalmer, Ruben Celso, Ryan Sioco kag isa ka John Doe.

Napatay sa pagpangbuno ang iloy sang mga Ganancial nga si Nemia; si SPO4 Nilo Campos nga Deputy Chief sa Calinog Police Station mag-abyan nga Ronald Fernandez kag Elmer Amorin. (AGB)