Lokal

Drug sub-group leader nga hinablos ni PDEA 6 identified drug group leader Richard Prevendido, nadakpan sa Parañaque

Metro Manila–Nadakpan ang hinablos ni PDEA 6 identified drug group leader Richard Prevendido nga si Ednie Jimena nga number 2 sa priority target list sang PDEA 6 subong nga tuig.

Ginkumpirmar ni Philippine Drug Enforcement Agency (PDEA) 6 Assistant Regional Director Levi Ortiz nga nadakpan si Jimena matapos ginserbihana sang warrant of arrest sa kaso may kaangtanan sa illegal drugs sa Parañaque kagab-i.

Oktubre sang nagligad nga tuig sang ginpasakaan sang kaso si Jimena upod kay Prevendido kag isa pa ka himata nga si Bonie Prevendido Gregori, bata ni Bakhaw, Mandurriao Punong Barangay Remia Gregori, matapos nga may nakuha nga balor 1.3 milyones pesos nga suspected shabu sa ila mga balay sa raid.

Sang Disyembre sang nagligad man nga tuig, ginsurrender naman ni Punong Barangay Estelita Ordinal sang Dungon-B Jaro sa CIDG 6 ang mga pusil nga ginbilin sa likod sang ila balay nga ginpahayag ginapanag-iyahan ni Jimena. Si Jimena ang ginpahayag nga karelasyon sang bata ni Kapitan Ordinal. (AGB)

Leave a Reply