Duha patay sa pagbunggu-anay sang motorsiklo kag mini dump truck sa Guimaras

Sibunag, Guimaras–Wala gid natabangan ang duha ka lalaki nga sakay sang motorsiklo matapos nga nagbunggo sa mini dump truck sa Barangay Ravina kahapon.

Gindala pa sa Guimaras Provincial Hospital sanday Rollen John Villanueva, 20-anyos, kag Mark Gamartsa, 18-anyos sang Jordan, Guimaras apang napatay bangud sang mga patal nga pilas sa ulo.

Ginpahayag nga na-sideswipe ang motorsiklo sang mga biktima antes nabungguan sang truck. (AGB)