‘Ibalik sa Iloilo’
Iloilo City — Ibalik sa iloilo ang hinablos ni PDEA 6 identified drug group leader Richard Prevendido nga si Ednie Jimena nga nadakpan sa Parañaque kagab-i.
Pahayag ini ni PDEA 6 Assistant Regional Director Levi Ortiz matapos nga ginserbihan si Jimena sang warrant of arrest sa kaso may kaangtanan sa illegal drugs.
Base sa impormasyon nga nakalab-ut sa PDEA, madugay na nga naga-istar sa Parañaque si Jimena kag nagapauli man kon kaisa sa syudad sa Bakhaw Mandurriao.
Si Jimena suno kay Ortiz ang number 2 sa ila target priority list subong nga tuig sunod kay Prevendido.
Oktubre sang nagligad nga tuig sang ginkasuhan si Jimena upod kay Prevendido bangud sa 1.3 million pesos nga balor sang suspected shabu nga narecover sa ila mga balay sa raid sang PDEA. (JoMaque)