Mga konsehal sa syudad, gin-itsapuwera sang mga punong barangay sa Jaro sa koronasyon sang Jaro Fiesta Queen
Iloilo City — Wala nakabaton si Councilor Joshua Alim sang imbitasyon para sa mga aktibidad nga pagahiwaton may kaangtanan sa Jaro Fiesta karon sa gab-i.
Suno kay Alim, may impormasyon nga gin-withdraw sang Association of Barangay Captains-Jaro Chapter ang imbitasyon sa city council bangud nangin unanimous ang desisyon nila nga wala dapat sang suktanay sang entrance fee sa Jaro plaza para sa Jaro Agro-Industrial and Charity Fair.
Ginpahayag man ni Alim nga ini ang una nga kahigayunan nga wala gin-imbitahan sang ABC-Jaro ang city council nga magtambong sa Jaro fiesta.
Samtang, gin-ako ni Cubay, Jaro Punong Barangay Renato Villegas nga sa mga mieembro sang city council, si Liga President kag x-officio Councilor Reyland Hervias lang ang gin-recognized sang ABC-Jaro.
Suno kay Villegas, majority sang mga Kapitan sa Jaro ang naghisugot nga indi pag-imbitahon ang city council agud mabatyagan sang mga konsehal nga may hibubun-ot ang nga kapitan matapos wala gintugutan nga magpanukot sang entrance fee. (JoMaque)