Sta. Barbara Mayor Dennis Superficial, wala pa sang ideya kon masugod na operate ang STL sa probinsya
Sta. Barbara, Iloilo–Wala nakahibalo si Mayor Dennis Superficial kon masugod na gi man ang operasyon sang Small Town Lottery sa probinsya sa katapusan sang Pebrero.
Suno sa alkalde, bisan nahamtang sa banwa ang opisina sang Eagle Crest Holding and Gaming Corporation, wala pa naka-apply ang kompaniya sang business permit para sa pag-operate sang STL. Wala man nakapa-set sang appointment sa alkalde ang operator agud istoryahan ang STL operation.
Una na ginkumpirmar ni Samuel Aguilar, Chief Operating Officer sang Eagle-Crest Holding and Gaming Corporation, nga magasugod ang STL operation sa katapusan sang Pebrero. Kasunod ini sang iya pag-courtesy call sa opisina ni Governor Arthur Defensor sang Martes sang hapon. (AGB)