Lokal

(UPDATE) Duha ka kutsilyo, gingamit sa pagpangbuno sa Calinog nga nagpatay sang apat ka tawo base sa pag-autopsy sa mga bangkay

Calinog, Iloilo–Duha ka kutsilyo ang gingamit sa pagpangbuno sang Sabado nga nagpatay sang apat ka tawo.

Base ini sa pag-autopsy ni Dr. Owen Lebaquin, medico legal officer sa PRO 6, sa bangkay sang apat ka biktima.

May gasgas sa ulo kag guya kag patal nga pilas sa leog, wala nga abaga kag wala nga gusok gamit ang ginapatihan butcher’s knife kag ponyong si SPO4 Nilo Campos, Deputy Chief sang Calinog Police Station. May pilas sa guya, baba, wala nga kamot kag duha ka pilas sa wala nga ilok si Ronald Fernandez. Ginapatihan butcher’s knife ang ginbuno sa iya. May pilas sa leog, wala nga gusok, wala nga butkon kag wala nga kamot si Elmer Amorin. Posible nga butcher’s knife kag ponyong naman ang ginbuno kay Amorin. Samtang may isa ka pilas sa likod si Nemia Ganancial, ang iloy sang duha sa mga suspek nga sanday Elbert kag Ernie.

Ginpasaka na ang kaso nga qualified direct assault with murder batuk kay Elbert upod kay Chyrel Cerbas, 37 anyos. Dugang nga kaso nga parricide ang ginfile batuk kay Elbert. Two (2) counts of murder naman ang ginpasaka batuk kay Ernie upod kanday Van Castañaday, 31; Ryan Sioco, 25; Joven Celeste; Renato Casalmer, 49; Ruben Celso, 47 kag isa ka John Doe. (AGB)

Leave a Reply