Pagkakas sang Allowance sang mga Public School Teachers ,Gina Kwestyon sang Alliance Of Concerned Teachers (ACT) Iloilo Chapter

Iloilo City – Ginakwestyun sang Alliance of Concerned Teachers Union kon ngaa mga manunudlo lang sa public schools ang kakasan sang allowance base sa Joint Memorandum Circular sang Department of Education, Department of Budget and Management kag Department of Interior and Local Government.

Suno kay ACT Union President Laurie Polly sang Lapaz National High School, nabasa niya ang kopya sang joint circular kag natalupangdan nga na-specify gid nga bawian sang allowance ang mga manunudlo.

Ginpahayag ni Polly nga mil 200 pesos kada bulan ang ginahatag sang syudad sa mga public school teachers sa elementarya kag high school ginarelease kada quarter. Pero nagabaton man sang pareho nga allowance ang mayor kag mga councilors, police kag city fiscals.

Kon kakason gid man ang allowance suno kay Polly, mas maayo nga salamahon na lang ang tanan para nga patas.

(Aljohn Torreta)