Bangkay sang lalaki, nasapwan nga nagalutaw sa idalum sang taytay sa Banate

Banate, Iloilo–Nasapwan ang bangkay sang isa ka lalaki nga nagalutaw sa idalom sang taytay sa Barangay Talokgangan kaina sang aga.

Ginkilala ang lalaki kay Jovie Bebing, 26 anyos, sang Barangay Poblacion, Banate.

Base sa imbestigasyon sang Banate police, ulihi nga nakita si Bebing nga hubog kag nagatulog sa barandilya sang taytay kag posible nga nahulog sa suba. (AGB)