ArchivesLokal

DRUG CLEARED?

Iloilo City –Ginpabutyag ni Calinog Mayor Alex Centena nga wala man nalakip ang iya pangalan sa narco list nga nag-abot kay Police Regional Office (PRO 6) Director Jose Gentiles.

Suno kay Centena, ginkonfirmar sa iya ini ni Gentiles sang nagpadulong siya sa Campo Delgado sang Biernes.

Maayo naman ini nga balita suno kay Centena bangud naguwa ang kamatuoran kag natinluan ang iya pangalan.

Si Maasin Mayor Mariano Malones ang gintudlo ni Centena nga naghambal sa iya nga magkadtu kay Gentiles.

Una na ginpabutyag ni Gentiles nga wala nalakip sa iya gina-uyatan nga listahan sanday Iloilo City Mayor Jed Patrick Mabilog kag Mayor Malones.

Gin-engganyo ni Centena ang mga calinognon nga maghugpong kag magsuporta para sa kaayuhan sang banwa.

Ginhangkat niya ang mga taga-banwa nga mag-isa agud suportahan ang katinlo, kalinong kag katawhay.

Nagpa-andam si Centena sa iya mga kaaway sa pulitika nga manabat sa padayon nga pagdalahig sa iya sa illegal drugs.

Sa pagkamatuod suno sa alkalde, may ginpasakaan na siya sang kaso bangud sa paguba sang iya pangalan sa social media. (JoMaque)

Leave a Reply