ArchivesLokal

17-anyos nga estudyante nga naipit ang leog sa naguba nga hanging bridge sa Tubungan, yara na sa maayo nga kondisyon

Iloilo City — (UPDATE)  Yara na sa maayo nga kondisyon ang 17-anyos nga estudyante nga naipit ang leog sa kable sang naguba nga hanging bridge sa Tubungan sang Sabado.

Suno sa utod nga si alyas Lory, indi na makadumdom sang natabu si alyas Bing matapos nalipong sang naipit ang leog sang kable kag kawayan.

Makahambal man suno sa iya ang biktima apang mahinay ang tingog kag ginapaidalum na sa therapy bangud nabali ang abaga.

Ginpahayag nga wala nakahibalo ang ginikanan ni alyas Bing sang nagkadtu ini sa fiesta upod ang mga classmates kag iya maestro.

Una na ginreport nga nagtindog sa isa ka parte sang hanging bridge ang mga biktima samtang naga-selfie gani naguba ang hanging bridge. (J0Maque)

Leave a Reply