Saturation drive sa mga lodging houses sa syudad sa Valentines’ Day
Iloilo City — Magahiwat sang saturation drive ang Task Force on Moral and Values Formation sa 15 ka mga lodging houses sa syudad sa Valentines’ Day.
Isa ini sa mga paagi suno kay Task Force on Moral Values and Formation Head Jorge Duron, nga mabuhinan ang numero sang teenage pregnancy sa syudad.
Sa data sang City Population Office, naglab-ot sa 2,266 ka mga kaso sang teenage pregnancy sang 2016.
Suno kay Duron, istoryahon niya ang mga managers kag owners sang mga lodging houses nga indi magpasulod sang mga menor de edad ilabe na sa Valentines’ Day.
Magabayad sang P5,000, 1-year imprisonment kag cancellation sang business permit ang penalidad kun madakpan nga wala naga-comply ang mga lodging houses. (JoMaque)