‘May human error sa encoding’

Iloilo City —  (UPDATE) Ginpasiguro ni Engr. Randy Pastolero, vice president for operations sang Panay Electric Company ukon PECO, nga indi na masulit ang error pareho sa natabu sa JII Car Care Service sa La Paz nga nagtimbuok ang balayran sang Nobyembre 8 tubtob Disyembre 8, 2016 nga period.

Suno kay Pastolero, naga-reprogram ang ila IT department para sa bag-o nga computer system.

Suno kay Pastolero, butangan nila sang control ang mga error agud nga madetect sa bag-o nila nga sistema kag indi na masulit.

Gin-ako ni pastolero nga human error sa encoding ang rason kon ngaa naglab-ut sa 175 mil pesos ang bill sang JII car care service halin sa daan nga bills nga naga-average sang 5 mil tubtob 10 mil pesos. (JoMaque)