ArchivesLokal

16-anyos nga lalaki sa Jaro, nagreklamo nga ginbakul sang batuta sang barangay kagawad; sa Arevalo, lalaki na-ospital matapos ginbatuta naman sang barangay tanod

Iloilo City–Nagreklamo ang 16-anyos nga solterito nga ginbakul sang batuta sang barangay kagawad sa Jaro.

Nagsaka sa Aksyon Radyo Iloilo si alyas Boknoy upod sa iya iloy agud magpalab-ut sang reklamo batuk kay Barangay Kagawad Ronald Gallenero sang Barangay Cuartero, Jaro. Ginsaysay ni Boknoy nga ginpatawag siya sang kagawad sang Pebrero 3 sang hapon pero nakibot siya sang ginbakul siya sang batuta sa ulo kag paa. Suno kay Boknoy, ginpasibangdan siya nga nagkastigo sa lalaki nga nag-agi sa lugar. Desidido ang pamilya ni Boknoy nga magpasaka sang kaso.

Na-ospital naman si Christian Rivera, 22-anyos sang Sooc, Arevalo, matapos napilasan sa ulo kag nalaguban sa likod. Suno sa iloy sang biktima, nalampusan sang batuta ang iya bata kasunod sang komosyon. (AGB)

Leave a Reply