Task Force on Moral and Values Formation, may bastante nga tinawo para sa ilunsar nga saturation drive sa mga lodging houses sa syudad sa Valentines’ Day
Iloilo City — (UPDATE) May nagakaigo nga tinawo ang Task Force on Moral and Values Formation para sa saturation drive nga ilunsar nila sa mga lodging houses sa syudad sa Valentine’s day.
Suno kay Task Force Head Jorge Duron, mangayo man siya sang augmentation force sa mga barangay officials kag kay Iloilo City Police Office (ICPO) Director Remus Zacharias Canieso.
Katuyuan sang saturation drive nga mapunggan ang mga menor-de-edad nga makasulod sa lodging house.
Una na nga ginhambal ni Duron nga mangin regular na ang ila saturation drive.
Isa ini sa mga measures agud mapunggan ang pagdamo sang teenage pregnancy matapos narecord ang madamo nga pagbusong sang mga teenagers sang 2015 kag 2016 sa diin pinakabata nga nangin iloy ang 10 ka tuig. (JoMaque)