DILG USEC John Castriciones, Gina-verify kon nabatun ni DILG 6 Director Anthony Nuyda ang kopya sang Memorandum angut sa Regional Task Force Agila

Iloilo City – I-verify ni Department of Interior and Local Government Undersecretary John Castriones kon wala gid man nabaton ni DILG 6 Director Anthony Nuyda ang kopya sang iya memorandum sang Disyembre 8.

Kaundan sang memo ang pagpasumiter sa DILG regional directors nga magsumiter sang mangin miembro sang Regional Task Force Agila. Ang National Task Force, ginapamunuan ni Castriciones kag naga-imbestigar sa mga local chief executives nga nalakip sa narco list ni Presidente Rodrigo Duterte.

Una na nga ginhambal ni Director Nuyda nga wala siya nakabaton sang gintumod nga memorandum.

Magabulig suno sa tiglikum ang Regional Task Force sa imbestigasyon sang National Task Force Agila sa una nga narco list sang presidente kag sa ikaduha nga listahan nga ginabug-usan sang iban pa nga government officials.

(Aljohn Torreta)