ArchivesLokal

Health Secretary Paulyn Jean Ubial, Ginpahayag Nga Wala Nagasanction Ang DOH Sa Mga Personnel Sang Ospital Nga Ma-involve Sa Ginpahayag Mga Lapses Base Sa Internal Audit Report

Iloilo City – Wala nagasanction ang Department of Health sa mga personnel nga mainvolve sa ginpahayag mga lapses. Ini ang paathag ni Health Secretary Paulyn Jean Ubial kasunod sang una na ginreport nga internal audit report sa Western Visayas Medical Center.

Suno kay Ubial, gina-evaluate sang DOH ang mga ospital paagi sa ila audit report agud makoreheran ang mga transaksyon ukon proseso nga makitaan sang mga lapses.

Indi ini pagtum-ok sa ospital kundi para mas mangin maayo ang ila pagserbisyo bago pa man maghatag sang aksyon ang Commission on Audit.

Wala sang may nakita nga major lapses ang audit team sa WVMC suno kay Ubial. Ginpahayag sini nga naghatag na sila sang technical assistance sa tagdumalahan sang nasambit nga ospital agud masolusyunan ang nakita nga mga lapses kag indi na masulit pa.

(Aljohn Torreta)

Leave a Reply