ArchivesLokal

Mas istrikto nga patakaran sa mga bisita, ginapatuman sang BJMP 6; mga babaye nga dalaw, ginapa-uba sang underwear, ginapa-squat kag ginapatumbo agud masiguro nga wala sang ginasipit nga kontrabando!

Iloilo City–Nagdepensa si Jail Senior Inspector Jimmy Britanico sang Bureau of Jail Management and Penology ukon BJMP 6 sa reklamo sang pila ka mga babaye nga nagabisita sa BJMP-Ungka, Jaro nga ginpahayag gina-obahan, ginapabika kag ginalantaw ang kinatawo.

Pa-athag ni Britanico, may ginasunod nga polisa ang BJMP sa mga dalaw sang priso agud malutsan sang mga kontrabando. Suno sa iya, matuod nga ginapa-uba sang underwear ang mga dalaw nga babaye apang ginapa-squat sila kag ginapatumbo-tumbo agud masiguro nga wala sang may ginasipit nga kontrabando pareho sang illegal drugs.

Apang INDI matuod suno sa iya nga ginapabika kag ginalantaw ang kinatawo sang mga dalaw nga babaye.

Kinahanglan suno sa iya nga mangin istrikto ang mga jail guards sa pag-inspection sa mga dalaw bangud makapila na ka beses nga nalutsan ang BJMP-Ungka, Jaro. (AGB)

Leave a Reply