Antique: Lalaki nga ginapatihan may nervous breakdown, gintiro patay sang caretaker sang balay ni Pandan Mayor Jonathan Tan
Antique–Gintiro-patay sang caretaker sang balay ni Pandan Mayor Jonathan Tan ang 33-anyos nga lalaki nga ginapatihan may nervous breakdown.
Ginkilala ang biktima kay Rabony Rectra, residente sang Tibiao, Antique. Base sa imbestigasyon sang Pandan Police Station, gintuyo sang biktima nga bun-on sang kitchen knife ang suspetsado nga si Bennie Dable, 49-anyos sang Barangay Duyong, Pandan. Ginlagas pa sang biktima ang suspetsado rason nga gintiro-patay.
Na-recover ang apat ka baseyo sang bala kag isa ka bala sang caliber 45.
Gin-surrender man sang suspetsado ang iya pusil nga may magazine kag apat ka bala. Preso na ang si Dable sa karsel sang Pandan Police Station. (AGB)