Kaso sang teenage pregnancies sa Iloilo City, naganubo ang trend suno sa City Population Office
Iloilo City–Naganubo ang trend sang kaso sang teenage pregnancies sa siyudad. Ginpa-athag ni Rachel Lapascua sang City Population Office nga bisan isa ang Ppilipinas sa anum ka major economies sa ASEAN nga may nagataas nga numero sang teenage pregnancies, naganubo naman ang trend sa siyudad.
Halin sa 2, 351 ka kaso sang 2014, nagnubo ini sa 2, 266 sang 2015 kag nagnubo pa gid sa 1, 753 na lang ka kaso sang 2016. Ini suno kay Lapascua bangud man sa pagbuligay sang natungdan nga mga ahensiya sa pagpanguna sang population office sa kampanya batok sa temprano pa nga pagbusong sang kababainhan.
Sang nagligad nga tuig, walo ang narecord nga nagbusong nga naga-edad 10 tubtob 14 anyos. (AGB)