ArchivesLokal

Libre nga puwesto para sa Valentine’s Day

Iloilo City — Hatagan sang libre nga puwesto sa sulod sang Iloilo Central Market ang mga manugbaligya sang bulak subong tubtub buwas, Valentines Day.

Ini ang ginpahayag ni Local Economic Enterprise Office (LEEO) Head Ariel Castañeda kasunod sang pahayag sang mga vendors nga ginpasalig sila ni Market in-charge Susana Zamora nga puwede sila maka-extend sang puwesto sa karsada.

Suno kay Castañeda, mas maayo kun indi sila pagpasugtan nga mag-extend bangud nga illegal.

Dugang pa ni Castañeda, ginpanghiwala sa iya ni Zamora nga nagpasalig ini sa mga vendors nga maka-extend sang puwesto sa karsada. (JoMaque)

Leave a Reply