Mag-asawa nga sakay sa tricycle nabungguan sang pick-up sa Dingle, asawa patay!
Dingle, Iloilo–Patay ang asawa kag pilason ang bana nga sakay sang tricycle matapos nabungguan sang pick-uyp sa Brgy. Tabugon, kahapon.
Suno kay PSI Inspector Marvin Bautista, hepe sang Dingle Police Station, dead-on-arrival sa ospital si Cecille Dejulian samtang padayon nga ginabulong si Randy Dejulian, lunsay mga residente sang Oñate Street, Concepcion. Ginpahayag nga ma-overtake kuntani ang pick-up nga ginamaneho ni William Pama, 41-anyos sang Brgy. Iprog, San Enrique, apang nabungguan sini ang tricycle nga ginasakyan sang mag-asawa nga nagbulante sang uga.
Pilas sa ulo kag guya ang gintunaan sang kamatayon ni Cecille suno kay Buenavista.
Nagpabulong man sa ospital si Pama matapos naglain ang pamatyag. (AGB)