‘Public may dance until 1am ONLY’
Iloilo City — Limitado tubtub sa ala 1 na lang sa kaagahon ang mga binayle sa kabanwahanan kag kabaranggayan sa probinsya.
Base ini sa mandu ni Iloilo Police Provincial Office ukon IPPO director Harold Tuzon sa tanan nga chiefs of police sang nagligad nga semana.
Ginrason ni Tuzon nga kun maglapaw sa ala 1 sa kaagahon, nagasugod ang ginamu kag nagaresulta sang krimen sa mga banwa kag barangay.
Magluwas sini, wala naman sang may nagabantay nga mga barangay officials kag tanod sa amu nga oras kag pulis na lang ang nabilin. (JoMaque)