Magpamilya, dakup sa drugbust operation sang PDEA 6 sa Jaro!
Iloilo City — Nadakpan ang ginapatihan high value target drug personality sang Jaro sa buy operations sang Philippine Drug Enforcement Agency ukon PDEA 6 kaina sang hapon.
Nadakpan si Rachel Ann Alegado, 23 anyos sang Cuartero, Jaro kag nakuhaan sang 3 ka plastic sachet sang suspected shabu kag P1,500 nga buybust money.
Ginapatihan ni PDEA 6 Director Gil Pabilona nga kahimbon ang ginikanan ni Rachel sa pagbaligya sang illegal nga druga kabangdanan nga gindakop ang iya amay nga si Ramil Alegado, 43 anyos kag iloy nga si Rowena Alegado, 45 anyos sang nasambit nga lugar.
Preso na ang mga nadakpan sa karsel sang PDEA 6. (JoMaque)