One-strike policy!

Iloilo–Magapatuman sang one-strike policy kag ‘No Take Policy, ang Police Regional Office 6 sa mga city kag provincial directors sa kampanya kontra illegal gambling.

Ini ang ginpaguwa nga memorandum ni PRO 6 Director PCSUPT Jose Gentiles base sa guidelines ni PNP Chief Director General Ronald Dela Rosa. Sa guidelines halin sa Campo Crame, kun indi mag-akto ang hepe sang police station sa kampanya kontra illegal gambling, mahimo siya makakas sa puwesto  kag pasakaan sang kaso administratibo.

Kun tatlo man ka chiefs of police naman ang ma-relieve, pagakakason man sa puwesto ang provincial director ukon ang city director.

Hugot man nga ipatuman ang ‘No Take Policy. ukon ang indi pagbaton sang anuman nga offer halin sa operator sang illegal gambling. (AGB)