2 patay, 1 pilason sa shooting kag stabbing incident sa Cabatuan!

Cabatuan, Iloilo–Duha ang patay, isa ang padayon nga ginabulong sa ospital sa pagpangluthang kag pagpangbuno sa Sitio Baron, Barangay Jelicuon Montinola kaina sang kaagahon.

Patay si Roger Someros, 32-anyos nga may pilas sang pagkabuno sa tiyan, dughan kag likod. Patay man si Roger Ebarle, 43-anyos sang Barangay Janipaan Central, nga may pilas sang pagkaluthang sa ulo kag dughan. Padayon nga ginabulong sa Iloilo Mission Hospital si Juan Baron, 43-anyos, nga may pilas sang pagkaluthang sa paa kag wala nga kilid.

Suno kay PCI Engelbert Banquillo, hepe sang Cabatuan Police Station, wala pa gid na-establisar kon ano ang ginhalinan sang insidente. Pero suno sa mga testigo, naga-inom-inom ang mga biktima sa kilid sang karsada antes nabatian ang mga lupok sang pusil kag nasapwan ang mga ini nga pilason.

Padayon ang imbestigasyon sang Cabatuan police sa insidente. (AGB)